Twitter-in user-te post en theih zat bithliah

Socia media service, Twitter neitu Elon Musk chuan Inrinni liam ta khan Twitter hmangtute'n post an en theih zat bithliah thar, 'temporary limit' siam a nih thu a puang.

Twitter Blue subscription leitu, verified account-te chuan ni khatah post 8,000 thleng an en thei ang. Mahse a hmangtu tam zawk, unverified account neite chuan ni khatah post 800 chin chauh an en thei dawn thung a ni.

Unverified account register tharte chuan ni khatah post 400 aia tam lo an en thei dawn a, mahse, newly registered tih hian eng chin nge a huam dawn erawh Musk chuan a sawi chiang lo. Zirtawpni khan Twitter chuan registerd user ni lote website chu en theih loh turin a block tawh bawk.

Musk chuan post en theih zat bithliah chu 'temporary' tur a ni rih tih a sawi a, eng chen nge kalpui a nih dawn erawh sawi chian a la ni lo.