'Rocky Aur Rani Kii Prem Kahaani' trailer tichhuak dawn

Bollywood film chhuah tur zinga nghahhlelhawm ber pawl, Alia Bhatt leh Ranveer Singh-te channa, 'Rocky Aur Rani Kii Prem Kahaani' trailer chu July 4-ah tihchhuah a ni dawn.

Hun eng emaw chen film a siam tawh loh hnua director chair lama rawn kir, Karan Johar chuan a official Instagram-ah teaser video hi dahin, July 4-ah a trailer a chhuak dawn tih a sawi a ni. Dharma Productions lam pawhin an post ve bawk.

Romantic drama, Rocky Aur Rani Kii Prem Kahaani hi kumina Bollywood film chhuak tur zinga ngaihven hlawh ber zinga mi niin, Alia Bhatt leh Ranveer Singh bakah Dharmendra, Shabani Azmi leh Jaya Bachchan-te chuan role pawimawh tak an chang dawn bawk. He film hi Karan Johar-a'n film industry a luhchilh aṭanga kum 25-na, July 28 hian tihchhuah a ni ang.