Khiangte Construction Thazual Lengzem : Pakhatnaah Vanlalduhawma 'Kawrthindeng'

Mizo Idol season 7-a mipui lawm tak, zaithiam bawk si, Vanlalduhawma, 'Kawrthindeng' chuan hma rawn sawn zelin, Khiangte Construction Ṭhazual Lengzem chart tharah pakhatna a rawn ni ta.

'Kawrthindeng' hla hi Vanlalduhawma phuah a ni a, co-writer Zaii Hauchhum niin, music video hi Michelle Varte-in a direct leh produce a ni. A zaithiam bakah a video pawh a hmuhnawm tel bawk. Recording hi Thangbawiha kut chhuak a ni.

The Radio chuan an original, 'I Kiangah chauh' tih chu chart hmasaa no. 3 aṭangin no. 2-ah a rawn chhohpui bawk. Pathumnaah Kimdongi X Ex Kid 'I tling si' a rawn invawrh chho bawk a ni. Nancy Zothanmawii 'Hmana kan nunhlui' leh Folina Chongthu 'Hmelṭha, I tan' pawhin hma an rawn sawn zel a, palina leh pangaah an rawn awm.

Lang thar zingah Zaii Hauchhum

Mawimawia 'Suangtuahna' leh Francis Kawlni 'Rinawmin' chu chart-ah an lang chhunzawm zel a, hetih lai hian mi pathum rawn lang tharin Mary Dawngi 'Chhingkhualah', Bawiha Renthlei 'Engtikni ah emaw chuan' chuan chart an rawn luah thar a, Zaii Hauchhum chuan a hla thar 'Bawihtuai' hmangin Top 10 a rawn khar.