Blackpink-in record an siam leh ta

K-pop girl group, Blackpink chu Korean band zingah UK music festival liana headline hmasa ber niin record an siam thar leh ta. April thla khan US-a Coachell festival-ah an lo headline tawh bawk a ni.

Blackpink hi London-a BST Hyde Park festival-ah Pathianni zan khan an inlan a, American singer Sabrina Carpenter leh British singer-songwriter Caity Baser bakah artist dang pariat-te an inlan bawk.

BTS Hyde Park hi June leh July thla chawlhkar tawpah neih ṭhin a ni a, kuminah hian June 23, 24 leh 25 leh July 1,2,6,7 leh 9-ahte neih a ni dawn.

Blackpink hi zan dar 8-ah Great Oak Stage-ah rawn che ṭanin, zan dar 10:20 thleng concert hi an nei zui. Blackpink inlan dawn zanah han ticket 65,000 hralh chhuah a ni.

Khawvel huapa band lar ber zinga mi ni mek, member pali awmna, Blackpink hian kum 2016-a debut single 'Whistle' an tihchhuah aṭangin an lar belh zel a, K-pop girl band zingah album copy maktaduai hralh chhuak thei hmasa ber an ni. Tun hnaia an record, Born Pink chu UK chart-ah number one a ni tawh bawk.