YoonA leh Lee Junho channa “King The Land” in ngaihven a hlawh

JTBC rom-com thar, “King The Land” chu South Korea-a kar liam ta chhunga drama ngaihven hlawh ber a ni leh.

Good Data Corporation-in kar tina drama ngaihven hlawh list a tihchhuah ṭhinah, “King The Land,” hi a zawnin kar hnih chu pakhatnaah a awm tawh a ni. Ranking hi article, blog post, online community, vidoe leh social media lama data la khawmin, drama tihchhuah lai leh chhuak thar turah siam a ni.

“King The Land,” hi drama ngaihven hlawh ber a nih bakah a changtute, Girls' Generation member YoonA leh 2PM member Lee Junho-te pawh drama changtute zingah ngaihven hlawh no. 1 leh no. 2 an ni bawk. He drama hi June 17 kha episode hmasa ber tihchhuah a ni a, episode 6 thleng pek chhuah a ni tawh.