Bebe Rexha-i'n stage-ah safety goggles hmang

Bebe Rexha chu stage-a a perform lai phone-a an vawm avanga a mit koa hliam a tuar hnuah a fimkhur tawh hle. Kar liam taa The Wiltern-a a perform-naah chuan a mit venna turin safety goggles a hmang thlap tawh.

Kum 33 mi, 'Meant to Be' hitmaker Rexha hian Los Angeles-a "Best F'n Night of My Life Tour" a neih ṭumin a thawmhnaw nena in 'match' tur protective eyewear a vuah a ni.

June 18-a New York City-a tour a neih ṭum khan Rexha hi a perform laiin mi pakhatin phone-in a vawm a, a mit koah vawm fuhin hmun thuma chilh a ngaih phah a ni. Phone-a vawmtu, Nicolas Malvagna hi police-te'n manin thubuai an siamsak nghal bawk.