Mizo Hit Charts puang dawn

Mizo streaming App, 'Runmawi' leh Zo Event Management ṭang kawpin pawl bik thliar loa zaithiamte tana thla tina a buatsaih, June 'Mizo Hit Charts' chu Zirtawpni zan hian puan chhuah a ni leh dawn ta.

Mizo Hit Charts hian thla thum chhunga Youtube-a Mizo hla dahte a huam ṭhin a, June chart-ah March-June thla chhunga Youtube-a hla dah zinga view ngahte thlan chhuah an ni ang. Gospel leh Lengzem catergory siam a ni. Top 10-te hi memento pek an ni a, Top 3-te chu pawisa fai pek tel an ni bawk.

Zirtawpni zana hit charts puan chhuahna hun hman hi Runmawi App-ah a thlawnin a en theih dawn a, Seraphic Choir, Angaihtei, Faktu, Guru Gee, Benjamin, YoungFella X S.Dawg X Mic Khan, Keimah Senes, Tlangval Tlumte & Lil Me-te an perform ang.