Ni 3 chhungin 'Satyaprem Ki Katha'-in Rs. vbc 26 chuang hmu chhuak

Kiara Advani leh Kartik Aaryan channa, 'Satyaprem Ki Katha' film chuan tlangzarh a nih aṭanga ni thum chhungin Rs vbc 26.35 a hmu chhuak hman.

June 29 khan 'Satyaprem Ki Katha' hi tlangzarh a ni a, a ni khatnaah hian Rs vbc 9.25 a la lut nghal a, Zirtawpniah tla hniam deuhin Rs. vbc 7 a hmu chhuak a, mahse, Inrinniah entu rawn pung chho lehin Rs vbc 10.10 a la lut leh thei.

Sajid Nadiadwala leh Namah Pictures-te film siam hi critics lam pawhin an fak hle a, age group hrang hrang pawhin an lawm a, a la che ṭha chho zel tura rin a ni.