Billboard 200 : Morgan Wallen-a'n record a siam belh zel

Billboard 200-ah country superstar, Morgan Wallen bawk a chungnung leh a, a album 'One Thing at a Time' chu a zawn loin kar 15 chhung no. 1 a nihpui thei ta.

Kar liam ta khan 'One Thing at a Time' hian equivalent album unit 110,500 nei lehin, stream maktaduai 140 a nei leh bawk. Kum 2014-a unit neih zat hmanga Billboard 200 ranking title siam a nih hnua kar khata unit 1,00,000 chuang nei rei thei ber a ni tawh.

Big Loud/Mercury/Republic Records kaltlanga tihchhuah, One Thing at Time hi a zawnin album chart-ah hian kar 12 chhung no. 1 a ni a, kar 12 hnuah June 10 khan Taylor Swift 'Midnights' chuan a rawn pel zawk a, June 17 chart-ah Stray Kids' 5-STAR a rawn lang ve bawk. Hemi hnu hian Wallen album bawk hi no. 1-ah kir lehin, June 24 - July 8 chart-ah kar thum chhung a rawn chungnung ber leh ta.

March thlaa tihchhuah, 'One Thing at a Time' album hian equivalent unit maktaduai 3 dawn nei tawhin, tld 3.5 stream a ni tawh bawk.