A in kawt enkawl fai loh avangin Taylor Swift pawisa chawitir

Taylor Swift chu New York City-a a in kawt a enkawl fai loh avangin pawisa chawitir a ni tih New York Post chuan a tarlang.

Kum 33 mi, Taylor hian kum 2017 khan Tribeca-ah in chhawng thum a lei a, a hnuah a bul chiaha a penthouse private entrance atan a chei zui a,a cheina atan hian USD mtd 50 dawn a seng nia sawi a ni. A in kawt leh chhehvel vawn fai chu a mawhphurhna a ni zui bawk.

Mahse January 2018 - January 2023 chhung khan Taylor hi a in kawta sidewalk-te chu a enkawl fai tawk loh avangin ṭum 32 fine a ni a, a sum chawi tur hi a vaiin USD 3,010 a ni. Report chuan Taylor hian bawlhhlawhte a paih ṭhat tawk loh avangin kawtthlerah chanchinbu, bottle, cardboard leh wrapper te a darh a, bawlhhlawh zingah hian cigarette carton pawh a tel tih a tarlang.

Taylor Swift hian a legal team hmangin hremna pek hi a bei let a, a sum chawi tur aṭangin USD 200 tihtlemsak a ni.

Swift fan, Swifties-te chuan Eras tour nei mek, an idol thlavang an hauh nasa nghal hle. NYC townhouse-ah fan leh paparazzi te'n an chim buai reng a, a tan a in pawn lama thleng ngaihven reng a harsa a, hei bakah heng bawlhhlawhte pawh hi pawn lam mi, helai hmun kal pel ṭhinte paih a ni, tiin an ṭang ve tlat thung.