Naruto episode thar tihchhuah hun tur puang

Naruto fans-te tan thu lawmawm! Official Naruto Twitter chuan September 3 hian Japan-ah Naruto anime episode thar pali tihchhuah a ni dawn tih a sawi chiang ta.

Khawvel puma fan ngah tak, Naruto anime series hian a kum 20-na a lawm mek a, hemi pual hian tun thla chhung chu a episode hmasa hote pawh tihchhuah a ni dawn. Hei bakah hian special musical event, 'Naruto The Live' buatsaih a ni dawn bawk a, hetah hian series soundtrack lama tha thawhtu, artist-te an che dawn a, gallery exhibition pawh buatsaih a ni ang. Series creator, Manga artist Masashi Kishimoto chuan July 18 hian one-shot manga a tlangzarh dawn bawk.

Nikum December thlaa buatsaih, fan-te'n an character duh ber an thlanna, Narutop99 poll-ah Minato Namikaze chu duhtu ngah ber niin,vote 7, 92,257 a hmu a, pahnihnaah Itachi leh pathumnaah Sakura-te an awm.