Dam Veng YMA Zaipawl hla thar 'Aia upate zah thiamin'

Dam Veng YMA Zaipawl chuan zanin hian music video thar 'Aia upate zah thiamin' chu an tlangzarh dawn.

Pu Liandala hla phuah 'Aia upate zah thiamin' hi chu hla thar a ni lo a, zanin hian an Branch OB leh Zaipawl member-te chuan an tlangzarh dawn a, YouTube leh TV lama en theih turin an chhawp chhuak nghal dawn a ni.

Hla hriat hlawh tak an rawn her lum leh dawn avang hian Pu Liandala tu leh fate berawnin an her danglam dawn a, kan hriat tawh ṭhin ang ngawt kha chuan an rawn sa chhuak dawn lo a ni mai thei. 

Music Video hi RDS kut chhuak a ni a, a hla thu awmzia phawk chhuak tur film zehtel a ni dawn a, mit a tlai hle ang. Nikum lam aṭanga an buaipui tawh niin hripui leng vangin an peihfel lawk thei lo a, tunah erawh kan thlirin kan ngaithla thei dawn ta a ni.