Billboard 200: Whitney Houston khumtu Taylor Swift

Billboard 200 chart-ah Taylor Swift 'Folklore' No.1 a ni leh a, Pop Smoke 'Shoot For The Stars Aim For The Moon' chu pahnihna niin YoungBoy Never Broke Again 'Top' chu pathumna a ni bawk.

Taylor Swift album thar ber 'Folklore' chu pakhatna a ni leh a, kar kua chhung Billboard 200 chart-ah hian lang tawhin vawi sarih ngawt chart No.1 a nihna a ni ta.

Zaithiam fam ta Whitney Houston khan Billboard 200 chart-ah hmeichhe tana record lo siam tawh a, a album hrang hrang chart No.1 dinhmun a hauhpui zat chu kar 46 a ni. Mahse chu record duhawm tak chu Taylor Swift-in a rawn khum ta a, kar 47 lai a album hrang hrang chu chart No.1 a nihpui ta a ni. 

Houston khan a debut album Whitney Houston kha kar 14 chhung No.1 a nihpui a, The Bodyguard chu kar 20 nihpuiin  Whitney kha kar 11 a nihpui a,  I Look to You kha a nihpui bawk . Heng a album hrang hrang hmanga record a siam tawh hi Swift hian a rawn khum ta a, Taylor Swift record khum erawh midang tan chuan a hautak tawh hle ang.

Alicia Keys studio album pasarihna Alicia chu palina a ni. Keys hian September 18 khan a album thar hi a tlangzarh a, Billboard 200 chart top 10-a album pariat a inhlankaipuina chiah a ni.

Alicia-ah hian track 15 a awm a, nikum leh kumin chhunga Keys hian a album thara mi hla pasarih lai chu single-in a tichhuak tawh.

Moneybagg Yo & Blac Youngsta 'Code Red' chu pangana a ni a, Keith Urban 'The Speed Of Now, Part 1' chu parukna ni bawkin Lil Tecca 'Virgo World' chu 10-na a ni bawk.