Isua film thar tur, khawvela film ropui ber tur a ni dawn : Jim Caviezel

Kum 2004-a tlangzarh 'The Passion of the Christ' chhunzawmna tur 'The Passion of the Christ: Resurrection' chu khawvela film ropui ber a ni dawn tih Isua lema changtu Jim Caviezel chuan radio program-a an interview-naah a sawi.

Isua film thar tur chungchang hi chiang takin director tur Mel Gibson leh Caviezel chuan an la tarlang lo a, a film hming tur leh a ropui dawn tih bak an la sawi lo. Nakkum lama tlangzarh tum nia sawi a ni a, mahse chupawh chu thuchiang a la ni chuang lo.

'The Passion of the Christ: Resurrection'-ah hian Isua an khenbeh leh a thawh lehna inkar vel tihlan a nih dawn hmel.