Flea-a'n Red Hot Chili Peppers album re-record duh

'Californication' Group, Red Hot Chili Pepper founding member leh an bassist, Flea chuan kum 1984-a an debut studio album, 'Red Hot Chili Peppers' chuan a duhthu a sam lo a, re-record leh a duh tih a sawi.

An studia album hmasa berah hian Jack Sherman leh Cliff Martinez an la tel a, anni hi band aṭanga an ban hnuah Jack Irons leh Hillel Slovak-te an thlak a ni.

Los Angeles Times in a kawmnaah Flea chuan an album hmasa ber an siam danah chuan a inchhir fo tih a sawi a, hemi rual hian an hlate erawh chu a ṭha a tih thu a sawi. Mahse a bandmade-te chu an album re-record leh tur hian a hmin zo lo tih a sawi nghal bawk. An album aṭang hian single pakhat, 'Get Up and Jump' chiah an tichhuak.