Psychological therapist nih chak Suga

BTS lehkhabu tihchhuah, "Beyond the Story: 10 Year Record of BTS"-ah chuan an member, Suga chuan licensed psychological therapist a nih chak thu a sawi lang.

Suga chuan anxiety leh harsatna dang dang a lo paltlang tawh aṭangin, artist chhuak tharte a theih anga lo puih ve theihna turin psychological therapist nih a chak hle tih a sawi a ni.

Khawvel huapa BTS lar chhohna chuan amahah hlauthawnnate siamin, anxiety a neih thu Suga chuan “Interlude: Shadow,”-ah a sawi lang a, hlawhtlinna nasa tak an channa kawnga a nuna thil hrang hrang a tawn chhoh dan, a chhungril lama buaina a neih dan thute a sawi. "Duhthusam pahnih ka nei a, pakhat chu kum upa tak tawh, sam pawh a var vek hnua stage-a la inlan a, ṭingṭang perha la zai chhunzawm zel a ni. A dang pakhat chu licensed psychological therapist nih a ni," a ti. Music industry chu a chang chuan a nunrawng a, artist-te rilru leh ngaihtuahna thlengin a nghawng a, pawn lam leh chhung lama harsatna hrang hrang a lo tawn chhoh tawh aṭangin, hetiang rawn tawng ve tur artist chhuak tharte chu a theih anga lo ṭanpui a duh tih a sawi a ni.