July 12-ah Emmy Awards nominee puang dawn

Actor Yvette Nicole Brown leh Television Academy Chair Frank Scherma te chuan July 12, 8:30 a.m. PT/11:30 a.m. ET ( July 12, 9:00 pm IST) hian 75th Primetime Emmy Awards nominee-te an puang dawn.

Nominee puan hi Emmys.com/nominations-ah live-a pek chhuah a ni ang.

75th Emmy Awards hi September 18-ah Los Angeles-ah sem a ni ang.

Nominee puangtu tur, Brown hian kum hnih liam ta khan 'A Black Lady Sketch Show'-a judge Harper lem a chan aṭangin comedy series-ah outstanding guest actress award a lo dawng tawh a ni. Scherma hian Television Academy Chair term hnihna hmang mekin, RadicalMedia President leh co-founder a ni bawk.

Television industry lama chawimawina, Emmy Awards sem turah hian kumina nominee tur zingah music industry lama mi lar eng emaw zat an lan chhoh rin a ni. Nominee-a lang tura rinkai zingah hian comedy series, Only Murders in the Building-a chang Selena Gomez pawh a tel.