David Beckham-a'n social media atchilh lo turin a fate fuih

Footballer hlui, David Beckham chuan a fate chu social media atchilh lo tura fuihin, Instagram post-a like neih tam chak ringawtte chu thil ṭha a ni lo tih a hrilh.

David Beckham leh a nupui, Victoria Beckham-te hian fa pali an nei a, an fapate - Brooklyn Beckham (24), Romeo Beckham (20) leh Cruz Beckham (18) te chuan Instagram lamah follower 15 million, 3.6 million leh 1.9 million an nei. An fanu neih chhun, kum 12 mi Harper erawh chuan social media account hi a la nei ve lo.

Beckham chuan a fate chu an nuna social media dah pawimawh lutuk lo turin a hrilh reng ṭhin tih a sawi.

Kum 48 mi, David leh kum 49 mi, Victoria Beckham te hian kar liam ta khan an inneih champha vawi 24-na an lawm a ni.