Insidious The Red Door ; Box Office-ah a hrâng nasa

North America box office-ah supernatural horror movie thar, Insidious: The Red Door" a rawn hrang a, "Indiana Jones and the Dial of Destiny" nek chhuakin a chung ber dinhmun a rawn luah nghal.

Beiseina sang tak an nei lo chungin, "Insidious: The Red Door" hian domestic-ah ni thum chhungin USD mtd 32.6 a la lut thei a, Insidious franchise zinga tihchhuah kara hlawhtling ber dawttu a ni. Kum 2012-a tihchhuah,"Insidious: Chapter 2" khan tlangzarh karah USD mtd 40.3 a la lut pha a, khawvel pumah USD mtd 160 chuang a la lut thei a ni.

'Insidious: The Red Door' hi Patrick Wilson directorial debut a ni a,he franchise-ah hian original cast member - Ty Simpkins, Andrew Astor leh Rose Byrne-te pawh an la lang.

Harrison Ford channa, "Indiana Jones and the Dial of Destiny" chuan domestic-ah USD mtd 26.5 lak luh belh lehin, khawvel puma a sum lak luh tawh hi USD mtd 200 a tling tawh. Hetih lai hian production cost hi USD 300 zet a nih avangin a chet ṭhat chhunzawm a la ngai dawn hle. No. 3-ah Angelo Studio kutchhuak, "Sound of Freedom" awmin, conservative-leaning thriller hian USD mtd 40.2 a hmu chhuak.

Kar liam taa release zinga mi, Liongate's R-rated comedy 'Joy Ride' chu No. 6-ah rawn langin, theatre 2,820 aṭangin USD mtd 5.85 a la lut.