The Brave and The Bold-ah Batman thar kan hmu dawn

DC Studios-in Batman project thar siam a ni dawn tih a sawi chian hnuah, George Clooney bawk chu Batman a rawn ni dawn nia sawi thawm a tam nghal hle. Mahse, filmmaker, DC Studios CEO thar, James Gunn chuan thu leng vak hi rawn hmet mitin, Clooney hi Batman a ni tawh dawn lo tih a rawn nemnghet. Batman thar kan hmu dawn e.

Tun hnaia release, The Flash-ah George Clooney a inlan avangin, Batman project, The Brave and the Bold-ah hian Clooney bawk kan hmu dawn nia rinna a lian nghal hle a, mahse, Gunna hian fan zawhna a chhannaah, Clooney hi film tharah a tel tawh dawn lo tih a sawi chiang ta a ni.

Batman franchise thar siam turah hian, Bruce Wayne aka Batman chu a piang tih a hriat loh, a fapa Damian Wayne nena an intawn chhoh dan kan hmu dawn. DC team leh director, Andy Muschietti chuan a changtu turte hi tihfel an ni mek tih sawiin, kumin kum tawp lamah chan ṭan an tum.