Vienna-a a concert laiin Harry Styles hmaiah vawm fuh

Tun hnaiah zaithiamte stage-a an perform lai vawm tawk an awm fo a, kar liam ta Inrinni khan Harry Styles pawh Vienna, Australia-a a concert lai chu stage-a an thil vawm luhin a hmaiah tak a fuh.

Kum 29 mi, British pop star fuhtu hi eng tak nge hriat a ni lo a, an thil vawm luh hian a mit bulah fuhin na a tih hmel hle. A kutin a mit a hup nghal a, stage aṭangin a kal chhuak zui a ni.

Love on Tour nei mek, One Direction member hlui hi vawm a tawh vawi khatna a ni lo a, nikum khan Chicago-a a concert laiin fan pakhat thil vawmin a kapah fuhin, a zai pawh a chawlh phah a ni. A perform laiin Skittles leh chicken nuggets-a vawm a lo ni tawh bawk.