Power Trip Festival aṭangin Ozzy inhnukdawk

Black Sabbath vocalist, Ozzy Osbourne chuan kumina Power Trip Festival hmasa ber neih turah a tel leh dawn lo tih a sawi.

October 6-8 chhunga Indio, California-a Empire Polo Club-a Power Trip Festival neih turah hian headline turin Ozzy Osbourne bakah hian AC/DC, Metallica, Iron Maiden, Guns N' Roses leh Tool-te ruat an ni.

Ozzy hian a tirah sawmna hi pawm mah se, a hnungzang ruh (spine) inzaina chu a beisei angin a dam chak thei lo a, hei vang hian Festival-ah pawh a duh dan angin a perform thei dawn lo a, a inhnukdawk ta tih a sawi. A inhnuhdawh tak avangin amah thlak tur pawh hi an puang thuai a, a ṭhianṭha takte an ni tih a sawi nghal bawk.