Billboard 200-a roreltu thar Lil Uzi Vert

Billboard 200 album chart-ah Lil Uzi Vert 'Pink Tape' chuan kar 15 chhung no. 1 ni thei, Morgan Wallen nek chhuakin no. 1 dinhmun a rawn hauh nghal.

June 30-a tlangzarh, rap album 'Pink Tape' hian July 6 thleng khan equivalent album unit 1,67,00 a nei a, hip hop star hian album chart-a no. 1 a neih pathumna a ni ta. Hla 26 awmna album hian on-demand official stream mtd 210.39 hu neiin, kum 2023 chhunga rap or R&B/hiphop album zinga stream ngah ber a ni.

A zawn loa kar 15 chhung no. 1-a awm thei, Morgan Wallen 'One Thing at a Time' chu no. 2-ah tla thlain, equivalent album unit 1,10,000 a la nei pha tho a ni. Pepso Pluma 'Genesis' chu a kar hnihnaah equivalent album unit 68,000 neiin no. 3-ah a awm. Taylor Swift 'Midnights' a dinna ngaiah a la ding nghet a, no. 4-ah a la awm. Morgan Wallen chuan a album dang, 'Dangerous : The Double Album' chu no. 7 aṭangin no. 5-ah a rawn inhlankai pui bawk.

South Korean girl group, Aespa album thar 'My World' chu chart-ah a rawn lang nghal a, Top 10 chart-a lang pha album pahnih an neihna a ni. Rapper Rylo Rodriguez chuan 'Been One' hmangin top 10 a rawn khar.

Billboard Hot 100 songs chart-ah Olivia Rodrigo “Vampire” chu no. 1 niin, no. 1 ni thei hla pathum a neihna a ni ta. Hot 100-a hian Morgan Wallen 'Last Night' chu no. 2-ah awmin, Luke Combs 'Fast Car', Rema & Selena Gomez 'Calm Down' leh Miley Cyrus 'Flowers' te chu Top 5-ah an lang.