Ozzy Osbourne thlaktu tur Judas Priest

Black Sabbath vocalist, Ozzy Osbourne-a'n kumin October thlaa Power Trip festival neih turah a taksa lam a la chak ṭhat tawk loh avanga a perform theih loh tur thu sawi a, a inhnuhdawh hnuah a thlak turin English metal legends, Judas Priest ruat an ni.

Goldvenvoice produce, metal-themed festival hi October 6-8 hian Indio, California-a Empire Polo Field-ah neih a ni dawn a, he hmun hi Coachella music festival neihna ṭhin a ni. Perform tur chiang tawh zingah AC/DC, Guns N Roses, Tool, Metallica leh Iroan Maiden-te an tel.

Judas Priest hi heavy metal band ropui ber zingah telh an lo ni fo tawh a, nikum khan Rock and Roll Hall of Fame-ah lak luh an ni. Ozzy Osbourne nen hian an lo tour ho fo tawh a, Osbourne pawhin festival aṭanga a inhnuhdawh tur thu a puan rual khan, amah thlak tura ruat chu a ṭhian ṭha takte an ni tih pawh a lo sawi lang nghal tawh a ni.