BBC presenter zingah Gary Linekar hlawh hnem ber

BCC presenter zingah financial year 2022-23 chhungin 'Match of the Day' host, Gary Linekar chuan a hlawh hnem ber a, kum khat chhungin pound mtd 1.35 (USD mtd 1.74) a hlawh. Kum ruk chhung chu a zawnin BBC presenter hlawh hnem ber a ni ta.

Corporation hian kum tinin top executive leh presenter-te hlawh zat hi a tichhuak ṭhin a, an hnathawhte hlawh an pek san em avangin hmun dang aṭanga sawisel pawh an lo tawk fo a ni.

England football team captain hlui, Linekar hian a twitter-a UK sorkar immigration policy a sawisel avangin March thla khan chawlhtir a ni a, mahse, mipui leh staff-te nawrna avangin an chhawr zui leh a ni.

Thawhlehnia annual report tihchhuahah, BBC hian 2022-23 licence fee aṭangin pound tld 3.74 a hmu a, kum hmasa aiin a tla hniam deuh. Mahse commercial leh grants aṭanga a sum hmuh erawh kum hmasaa pound tld 5.33 aṭangin nikumah pound tld 5.72-ah a kai chho.