Emily Blunt-in a chhungte bula hun tam zawk hman duh

"Jungle Cruise" star Emily Blunt chuan a pasal leh a fate tana hun tam zawk hmang turin, lemchan khawvel aṭangin chawlh a la rih dawn tih a sawi.

Emily Blunt leh a pasal, lemchan thiam tho John Krasinski-te hian fanu pahnih, Hazel (9) leh Violet (7) an nei a ni.

iHeartPodcast 'Table for Two with Bruce Bozzi'-ah Blunt chuan, "Kuminah chuan lemchan lam ka chawlhsan rih ang. Ka fanu upa zawk kum kua a ni a, single digit tawpna a ni tawh dawn si," tiin kum 40 mi actress hian a fanute bula hun tam zawk hman a duh thu leh, hei hi pawimawh a tih thu a sawi.

Blunt chuan, "Min kai tho dawn em? School-ah min hruai dawn em? Min rawn lam dawn em? Min muttir dawn em?" tia a fate'n an zawh theih tura an kianga awm reng a duh tih a sawi a ni.