'Voice of Salvationist' buatsaih dawn

Territorial Salvation Army Youth Council (TSAYC) chuan India Eastern Territory huam chhunga SAY member-te tan zai intihsiakna, Voice Of Salvationist a buatsaih dawn.

Voice of Salvationist hi August 2023 chhunga neih tura ruahman niin, Division hrang hrangah audition neih mek a ni. Audition paltlangte hian August 9 &10-ah First Round intihsiakna hi Woodland Hills, Zonuam-ah an nei ang. First Round aṭang hian music instrument a hman nghal theih dawn a ni.

August 19-ah Top 10-a tlingte intihsiakin, top 5 thlan chhuah a ni ang. Top 5-te hian August 22 zanah Dawrpui Multipurpose Center-ah Grand Finale an nei ang a, August 25 zanah result puan, lawmman sem leh show ropui tak neih a ni ang.

Voice of Salvationist-a pakhatna hian Rs. 50,000 a dawng dawn a, Pahnihna leh Pathumna te'n Rs. 30,000 leh Rs. 20,000 an dawng bawk ang.