Britney Spears lehkhabu chhuak tur top-seller list-ah lang nghal

Britney Spears lehkhabu chhuak tur, 'The Woman in Me' tih chu October 24-a tlangzarh tur chauh ni mah se, pre-order a tam nghal hle. A chhuah hma hauhin Amazon best-seller list-ah a lang nghal.

Kum 41 mi, 'Toxic' singer hian a nun kawnga harsatna hrang hrang a tawh dan, a pasal hmasa nena an inkar boruak te, a fate hmu thei loa hrek a nih dan te, conservatorship chungchanga an buaina leh, a lu a ziah kawlh chhante pawh a tarlang. Lekhabu a ziah dawn hian vawi tam tak 'counselling' pawh a kal tih a sawi. He lehkhabu a siamnaah hian ghostwriter Sam Lansky nen an thawk dun nia sawi a ni bawk.