Philippines-in Barbie movie-a world map 'blur' turin ngen

Barbie movie chhuak tura world map dahah South China Sea chungchanga China nena buaina nei mek ramte chuan thawm an rawn nei belh zel.

Vietnam chuan 'Barbie' movie-ah South China Sea chu China ram chin anga tarlanna, nine-dash dah tel a nih avangin an rama tihchhuah a khap tawh a ni. Philippines ram pawhin thawm a rawn nei ve leh a, an rama tihchhuah an khap dawn lo a, mahse, film-a map lo lang chu 'blur'-tir turin an phut thung.

Philippines Movie and Television Review and Classification Board chuan he film hi vawi hnih an zir chiang tawh a, foreign affairs official leh legal expert-te pawh an rawn tih an sawi. Map chu 'cartoon' mai a ni tih an pawm a, mahse, hemi rual hian map hi 'blur' turin Warnes Bros chu an ngen tho a ni. Philippines chuan 'nine-dash line' lanna film-te chu an rama tihchhuah khap an hreh dawn lo tih filmmaker-te chuan hria se an duh thu an sawi lang nghal bawk.