NewJeans in MV thar tichhuak dawn

NewJeans chuan an mini album, 'Get Up' an tihchhuah hmain music video, 'Cool With You' an tichhuak hmasa leh phawt dawn.

K-pop girl group agency, ADOR chuan 'Get Up' album hi July 21-ah tihchhuah a nih tur thu a sawi rualin, album tlangzarh hma ni July 20, KST zanlaiah 'Cool With You' music video hi an tichhuak dawn tih a sawi. He MV hi Side A leh Side B version neiin, 'global star' pahnih an lang dawn tih a sawi lawk bawk.

July 21-a album tihchhuah rual hian he album-a title track dang pahnih, ”ETA” leh “ASAP” chu tihchhuah ve nghal a ni ang.