Ed Sheeran concert-ah Eminem inlan

Ed Sheeran chuan kar liam ta Inrinni zana Detroit-a a concert-naah mipuite a surprise a, Eminem ko chhuakin hla pahnih an perform dun.

Royal Oak Music Theatre-a Sheeran concert chhima mipui 65,000 vel pung khawm chuan hometown hero, Eminem rawn lang phut chu an lawm hle. "Lose Yourself," an sak dun hnuah, Sheeran chuan Eminen chuan hla pakhat chauh rawn sak tum mah se, Detroit-a kalin hla pakhat chauh a perform thei lo ang tiin hla dang a thlang a, Em 2000 smash hit 'Stan' chu an sa dun leh a ni.

Eminem hi nikum November-a Rock and Roll Hall of Fame-a lak luh a nih hnua mipui hmaa a perform lehna hmasa ber niin, Detroit-ah hian kum 2016-a Joe Louis Arena-a Drake nen stage-a an inlan dun hnua stage-ah a din chhuah lehna hmasa ber a ni bawk.

Em leh Ed-te hi a hmain an lo thawk dun tawh a, rap superstar 2017 single 'River' leh 2020 'Those Kinda Nights'-ah Sheeran hi a thawhpui a, Eminen leh 50 Cent-te hi Sheeran track 'Remember the Name'-ah an lo inlan tawh bawk a ni.