Brooklyn Public Library-ah Jay-Z pualin exhibition buatsaih

Brooklyn Public Library chuan legendary rapper leh entrepreneur Jay-Z pualin temporary exhibition a buatsaih.

He exhibition, The Book of Hov tihah hian Jay-Z thlalak la hmuh ngai loh te, stage outfit, a award dawn hrang hrang, video, original recording masters leh thil dang hrang hrangte pho lan a ni. July 14 khan exibition hi hawngin, eng chen nge a awh dawn tih sawi lan a la ni lo.

Exhibition-ah hian Jay-Z music kaihhnawih chauh pho lan a ni lo a, paper hmanga thil siam a zir dan te, a sumdawnna lam kaihhnawih te, a lehkhabu chhiar ṭhinte pawh pho lan tel a ni. Exhibition atana sensote hi Jay-Z-a company, Roc Nation chuan a tum vek dawn a ni.

Jay-Z leh a nu, Gloria Carter foundation din, The Shawn Carter Foundation chuan kar liam ta Zirtawpni zan khan New York-ah black-tie gala buatsaihin, USD mtd 20 zet an hmu chhuak. An sum hmuh hi zirna sang zawk zir duh, sum lama harsatna tawk zirlaite puihna atan an hmang dawn. Foundation-in sum a hmuh zinga USD mtd 10 hi Jeff Bezos leh Lauren Sanchez-te pek niin, Jack Dorsey chuan USD mtd 2 a thawh bawk.