The Chosen series chan chhunzawm phalsak

Hollywood actor intel khawm, Screen Actors Guild (SAG) an nawrh mek avangin film leh TV series tam tak chan chhunzawm theih lohin chawlh mek a ni a, hetih lai hian Isua film series lar tak, 'The Chosen' erawh chu nawrh mek karah an chan chhunzawm phalsak a ni.

Jesus of Nazareth series official Twitter chuan Thawhṭanni khan thu lawmawm tak an dawn thu leh, SAG aṭangin film chan chhunzawm thei tura ngaihhnathiamna an hmuh thu a sawi a, an chang chhunzawm nghal dawn tih an tarlang bawk.

'The Chosen' hi actor-te'n nawrh an huaihawt hnuah TV series chan chhunzawm phalsak hmasa ber nia hriat a ni. He series hi Isua chanchin, amah hretu leh hmutute'n an hmuh dan aṭanga a zirtirna leh a thilmak tih chungchangte an tarlanna a ni.