Haunted Mansion star-te aiah Disney Theme Park worker-te inlan

Hollywood actor-te'n nawrh an huaihawt mek avangin, California-a Disneyland-a 'Haunted Mansion' premiere-naah a changtute an inlan lo a, an aiah theme park worker-te chu Disney character lema changin an inlan.

July 15-a film premier-naa inlan lo zingah hian Jamie Lee Curtis, Tiffany Haddish, Rosario Dawson leh Danny DeVito-te an tel. Mahse director Justin Simien erawh a inlan a, actor-te an inlan lo chu a hriatthiam thu a sawi.

Alliance of Motion Picture and Television Producers (AMPTP) nena inremna an siam theih tak loh avanga Screen Actors Guild (SAG)-te'n nawrh an huaihawt hian film channa leh tlangzarh tum lam a nghawng chho zel. Thawhṭannia New York-a Christopher Nolan-a drama thar, 'Oppenheimer' premier tur pawh a changtute a inlan theih loh avangin ṭhulh a ni bawk.