Reliance-in Alia Bhatt kidswear brand lei dawn

Reliance Retail Ventures Ltd. (RRVL) hnuaia Reliance Brands chuan Bollywood actress, Alia Bhatt kidswear brand, Ed-a-Mamma chu Rs. vbc. 300 in lei a tum nia sawi a ni.

Reliance Brands leh kidswear retailer-te hi an inbe mek a, inremna an siam hnai tawh nia report a ni.

Ed-a-Mamma brand neitu hi Eternalia Creative and Merchandising a ni a, Alia Bhatt hi director niin, kum 2019 khan he company hi an din. Naupang thawmhnaw an siamte hi a tlangpuiin online hmanga zawrh chhuah an ni ṭhin.

Kum 2007-a din, Reliance Brands hian international brands 50 chuang thawhpuiin, India ramah dawr 2,000 chuang a nei mek. International brand an thawhpui zingah hian Armani Exchange, Giorgio Armani, Hugo Boss, Jimmy Choo, Michael Kors, Mothercare, Tiffany & Co leh Versace-te pawh an tel.