Northern Ireland-in Music hmangin USD mtd. 136 hmu chhuak

UK Music-in a tarlan danin, Northern Ireland chuan nikum chhung khan an rama live concert buatsaih chhimtu, 'music tourist'-te aṭangin USD mtd 136 zet a hmu chhuak tih a sawi.

Nikuma Northern Ireland-a concert nei zingah hian music industry lama hming langsar tak tak - Billie Eilish, Ed Sheeran, Iron Maiden, Westlife, Biffy Clyro, Little Mix leh Sister Sledge-te an tel.

Kum 2022 chhunga live concert leh music festival chhim tura Northern Ireland tlawhtu khualzin hi mi 2,70,000 vel an tling. Rimawi hmanga khualzin tam tak an hip luh hian an ram economy lamah nasa takin a pui a ni. An sum hmuh hi ticket sale, ei leh in tur hralhna, venue parking fee, accomodation leh an zinna man aṭanga an hmuh chhuahte a ni.