The Lion King film thar Barry Jenkins-in direct dawn

Moonlight Oscar-winner Barry Jenkins chuan The Lion King film thar a direct dawn.

Nikum khan kum 1994-a tihchhuah The Lion King chu siam thar leh a ni a, sum pawh an lalut tamin a hit hle. Chumi vang chuan chhunzawmna tur chu siam leh tum a ni a, Walt Disney Studios chuan Barry Jenkins chu director a nih dawn thu hi a puang ta a ni.

The Lion King thar tur hi thlangzarh hun an la sawi lang lo a, Jenkins tan chuan Disney-a project pahnihna tur a ni ang. 

"Kum 1990 chho velah khan kan farnuin a fapate pahnih a enkawlna kawngah ka pui ve ṭhin a, chutiang experience ka neih avang chuan The Lion King- inṭhianṭhatna, hmangaihna leh ro chhiah lam lanna film tura Disney thawhpui hi ka phur tawh hle a, anni ka thawhpui tur hi ka lawm tak zet a ni," tiin Jenkins chuan a phur tawh thu a sawi.