Ms. Marvel lemah Iman Vellani

Disney+ Marvel series thar turah Kamala Khan/Ms. Marvel kan hmu dawn a, chu role chu Iman Vellani-in a chang dawn.

New Jersey tleirawl, Pakistani-American Iman Vellani chuan Hollywood lamah a hmel a lan dawn a, MCU-a muslim super­hero hmasa ber tur a ni dawn bawk. MCU movie dangah kan hmuh chhunzawm mai thei bawk niin khawthlang lam media-te chuan an tarlang.

Deadline chuan hemi chungchang hi tarlang hmasa berin Vellani pawh hian a hnu lawkah Instagram lamah a rawn nem nghet a, sawi tur a hriat loh hial zawk thu leh phurawm a tih tawh thu a sawi. Disney leh Marvel lam chuan engmah an la sawi chiang lo thung.

Iman Vellani hian Avengers game lamah chuan a aw a lo thawh tawh a, Sandra Saad awah a aw an hmang.

Captain Marvel star Brie Larson chuan tunhnai lawkah khan a Captain Marvel chhuzawmnaah Kamala Khan inlan se a duh thu a lo sawi tawh a, chu a duhna chu a thlen dikna chance a sang ta hle a ni.