SAF-AFSTRA nawrh mek karah film chan chhunzawm phalsak belh zel

Hollywood actor leh writer-te'n nawrh an huaihawt mek avanga film tak tam tihchhuah theih loh leh, chan chhunzawm thei loa an chawlh mek karah, SAG-AFTRA chuan film chan chhunzawm phalsak a neih belh zel.

SAG-AFTRA in a ngaihhnathiam zingah hian film industry-a hming lian tham - Mathew McConaughey, Anne Hatheway, Paul Rudd leh Jenna Ortega-te pawh an tel.

Alliance of Motion Picture and Television Producers (AMPTP) nena inremna an siam theih loh avanga actor leh writer-te nawrh an huaihawt hnuah, ATMPTP-a tel lo independent film leh TV show-te chu ngaihhnathiam an ni a, an huang pel loa film chan chhunzawm hi phalsak an ni tih SAG-AFTRA chuan a sawi. Project 50 vel chu ngaihhnathiam an ni tawh.

Nawrh huaihawt avang hian actor leh crew member sing tel chu hna thawk thei loin an awm mek. Film siam mek tam tak pawh chawlh san lailawk a ni a, heng zingah hian “Deadpool 3," Warner Bros.' "Gladiator 2" leh "Mission: Impossible — Dead Reckoning" second installment-te pawh an tel.