Giza Pyramids-a Travis Scott show neih tur ṭhulh lo

Egypt's Musicians' Syndicate lamin titawp tura an nawr chungin, Travis Scott-a'n a album thar, 'Utopia' puala Egypt rama Giza Pyramids-a concert a neih tur chu ṭhulh a ni dawn lo tih a promoter, Live Nation chuan a sawi.

Live Nation chuan, "Travis Scott-a'n Egypt-a show a neih turah engmah thlak danglam a awm lo a, ṭhulh ni anga sawina report awm chu thu dik lo a ni," tiin Egypt-a 'Utopia' lawm hun tur chu an nghahhlelh thu a tarlang.

Egypt's Musicians' Syndicate-in July 28-a Scott show neih tur hi Egypt culture kalh a ni a, an societal value humhalh zel an tum thu leh, a kalh zawnga thiltihte an pawm lo tih a sawi a, show neih tura atana permit pek tawh pawh suttir leh an tum nia sawi thawm avangin, social media lamah concert hi ṭhulh angin a thang hman. Mahse Live Nation chuan ṭhulh a nih lo tih a rawn sawi chiang leh ta a ni. Show neih tur hi 'once-in-a-lifetime gig' a ni awm, a chhimtute tana show hriatrengtlak an chhawpchuak dawn tih a sawi.