Versace global ambassador thar Stray Kids' Hyunjin

Italian luxury fashion company, Versace chuan K-pop band Stray Kids member, Hyunjin an company global ambassador atan a ruat.

Nimin khan Versace chuan hemi chungchang hi puangin, "Hyunjin hi Korean boy group Stray Kids-a multitalented member a ni. Dancer, rapper leh vocalist a nih anga a performance hian ngaihven a hlawh hle a ni," a ti. Company neitu, Donatella Versace pawhin Versace family-a Hyunjin a tel ve ta chu lawmawm a tih thu a sawi a, a aw mawi a tih thu te, a inrintawkna leh a expression-te chu a ngaihsan thu sawiin, 'Versace person' dik tak a ni, a ti.

Hyunjin pawhin fashion house ropui tak zinga tel a, Versace global ambassador atan ruat a ni chu lawmawm a tih thu a sawi ve bawk.