Santa Clara honorary mayor atan Taylor Swift ruat

'All Too Well' singer, Taylor Swift chu California state-a Santa Clara khua chuan hononary mayor atan an ruat.

Kum 33 mi, pop star hian 'Eras' tour a nei mek a, tun thla tawp lam hian Santa Clara-a Levi's Stadium-ah tour hi a nei dawn bawk a ni.

He khawpui hian honorary title an pek bakah, Swiftie Clara tiin an insawi tel tawh dawn bawk. Hemi hma hian a tour neihna tur zinga mi, Pittsburgh khua chuan an khawpui chu Swiftsburgh tiin an lo thlak lailawk a, Minneapolis mayor Jacob Frey pawhin an khawpui hming chu tour a neih tur pual hian Swiftieapolis tiin temporary-a an thlak thu a sawi bawk.

July 18-a town meeting an neihah, Santa Clara city mayor Lisa Gilmor chuan an khuaa artist lar, music leh rimawi hmanga khawvela mi hrang hrangte tana entawn tur siamtu an thleng thei tur chu lawmawm a tih thu sawiin, hei vang hian honorary mayor atan an ruat tih a sawi.