Alice Cooper-in single thar a tichhuak

Shock rock legend Alice Cooper chuan a album chhuak tura mi single thar, 'White Line Frankenstein' a tichhuak a, Rage Against The Machine-a Tom Morello guitar solo a tel.

Alice Cooper hian August 25 hian earMUSIC kaltlangin a album thar, 'Road' a tichhuak dawn a, hun rei tak a lo thawhpui tawh Bob Ezrin-a produce a ni. Road-a a hlate hi a bandmate Ryan Roxie [guitar], Chuck Garric [bass], Tommy Henrikson [guitar], Glen Sobel [drums], leh Nita Strauss [guitar]-te nena an siam leh record-te an ni.

2023 North America tour nei mek, Alice Cooper hian Motley Crue leh Def Leppard-te nen August 5-22 inkar hian show paruk an nei dawn a, August 24-September 24-a 'Freaks on Parade' tour-ah Rob Zombie nen co-headline an ni bawk ang.