Taylor Swift 'Eras Tour' a ropui zual zel

Taylor Swift 'Eras Tour' neih mek chu a hlawhtling rem rem hle a, concert hmanga sum lut a tam avangin ram hrang hrang hruaitute pawhin an rama concert nei turin an ngen sup sup mai.

Kum 33 mi, American singer-songwriter, Swift-in kum nga chhunga global tour a neih lehna hmasa ber, 'Eras Tour' aṭanga sum lak luh hi USD tld 1.4 zet a tling pha dawn niin Forbes chuan a tarlang a, an chhut ang a nih chuan Swift hi tour aṭanga sum la lut hnem ber a ni thei dawn a ni.

Tour hi March 17, 2023 khan Glendale, Arizona-ah ṭanin, ruahman lawk dan chuan nakkum August 17-ah London, England-ah a khar ang. Show tin hian darkar thum chuang a awh a ni.

Forbes chuan Eras Tour-ah hian show 22 neih tawh aṭangin USD mtd 300 chuang lak luh a ni tawh a, concert promoter leh poduction cost-te paih vekin, heng aṭanga Swift hlawh hi USD mtd 100 a tling niin a tarlang. Show a neih china chhimtu hi mi maktaduai 1.1 an tling tawh bawk.

Concert chhimtu an tam avangin, an show neihna ram leh khawpui sum lak luh nasa takin a pung a, hei vang hian ram eng emaw zat hruaitute chuan an ram/khawpuiah Eras Tour nei turin hian Swift pawh an ngen hial tawh. Sawmtu zingah hian Canada, Australia, Thailand leh Chile ram hruaitute pawh an tel.

Billboard Boxscore-in data a zir chianna aṭanga kumin April thlenga tour aṭanga sum la lut hnem bera a dah, USD mtd 853 laluttu Elton John chu Taylor Swift 'Eras Tour' hian a rawn khum ngei dawn. Tour hmanga sum lalut hnem zualte chu -