Bruce Lee thih chamah a fan-te Hong Kong-ah kal khawm

Kungfu legend, Bruce Lee thihcham vawi 50-na, July 20 khan Hong Kong-a a lim bulah ram hrang hrang aṭangin a fan-te an kal khawm a, zahna hlanin pangparte an dah a ni.

Bruce Lee fan pung khawm zinga ṭhenkhatte chuan Lee kungfu brand, 'Jeet Kune Do' entirin 'nunchucks' te an vai bawk. Hong Kong-a pung khawmte hi mainland China, Asia leh Europe aṭanga kalte an ni.

Chinese-American martial artist leh actor, Bruce Lee hi San Francisco, US-ah a piang a, Hong Kong-ah a seilian thung. A blockbuster movie, 'Enter the Dragon' release nih hma deuh, kum 1973 July 20 kha kum 32 mi chauh niin a thi a ni.