1975-in Taiwan leh Indonesia-a show neih tur ṭhulh

Malaysia-a music festival-a an perform-naah British rock band, 1975 frontman Matt Healy chuan mahni anpui kawp khapna dan an siam chu sawisel a, a runluihna atana stage-ah a bandmate, bassist Ross MacDonald a fawh hnuah, Malaysia ramah an perform khap a ni. Sawiselna nasa tak an tawh hnuah an band hian Taiwan leh Indonesia rama show an neih tur pawh an ṭhulh thu an puang zui.

1975 chuan an instagram-ah show an neih tur an ṭhulh thu hi puangin, "Jakarta leh Taipei-ah kan fan-te hmaa inlan hun kan nghahhlelh viau laiin, boruak awm dan avang hian kan show neih tur hi kaltlangpui theih a ni ta lo a ni," tiin an sawi.

Healy chet dan hi Malaysia rama mahni anpui kawpte ngei pawhin na takin an sawisel a, a thiltih chuan an dinhmun a tichep leh zual dawn niin an sawi.