Adidas-in Yeezy shoes bun mtd. 4 atan order hmu

German sportswear company, Adidas chuan Yeezy shoe bun maktaduai 4 atan order hmu tawhin, an order hmuh hi USD mtd. 508 chuang hu a tling

Nikum October thlaa rapper Kanye West, Ye tia a hming thlak tain social media leh interview-naah Juda-te huatna leh thliarhranna lam hawi zawng thu a sawi avangin Adidas hian Ye nena thawk dunna an siam, Yeezy shoe a hralh chhuah hi a titawp a ni. Mahse sum tam tak a hloh dawn avangin, May thla khan Yeezy stock la awm te chu hralh chhuah an tum thu leh, an hrahna aṭanga an sum hmuh ṭhenkhat chu Juda-te thliar hranna leh, chi inthliarna dodaltu pawlte hnenah an pe dawn tih a puang.

Hemi hnu, May leh June thla khan Yeezy shoe hi bun mtd. 4 zet order an hmu a, hei hi an beisei phak bak niin, demand awm zat pawh hi an pe chhuak thei lo zawk niin Financial Times report chuan a tarlang.