The Rock-a'n SAG-AFTRA Foundation tan sum ṭhahnem tak thawh

Screen Actors Guild – American Federation of Television and Radio Artists (SAG-AFTRA) nawrh huaihawt avanga member tam tak, hna nei loa awm mekte tan Dwayne "The Rock" chuan SAG-AFTRA Foundation-ah sum ṭhahnem tak, seven figure tling a thawh.

Foundation president Courtney B. Vance chuan union nawrh huaihawt vangin member tam tak chu hna thawk thei loin an awm a, hei vang hian an pawla actor sum la lut tam zualte chu harsatna tawkte ṭanpui turin a ngen a ni. Ngenna a siam hnuah, The Rock team hian be pawpin sum ṭhahnem tak hi an pe tih a sawi a, actor hlawh hnem dangte pawh che chhuak turin a ngen zui bawk.

SAG member, harsatna tawk mekte tan member pakhatah USD 1,500 zelin ṭanpuina hi an sem dawn a, lifetime member-te chu USD 6,000 in puih an ni bawk ang.