Studio lamah Megan Thee Stallion a kir leh ta

'Hot Girl Summer' Femcee, Megan Thee Stallion chuan hun thawl a mamawh tia a chawlh rih tur thu a sawi hnuah, music siam turin studio lamah a kir leh ta.

Raptress hian a Instagram story-ah footage dahin, 'A mode-ah ka awm leh ta, a hun leh ta e' a ti. A project kimchang erawh a sawi lang lo a, mahse, a fan-te chuan rap star hnen aṭangin music thar an beisei aia rangin an dawng dawn niin an ngai.

May thla tawp lamah InStyle-in a kawmnaah, Megan chuan rilru hahdam taka a awm theihna turin a inenkawl dawn a, a rilru dam chian hunah music thar lam a hawi chauh ang tih a sawi. Kum 28 mi hian a thutlukna a siamna chhan pakhat pawh sawi langin, 'Music leh entertainment industry hi a hautakin a hahthlak ṭhin hle. Hei vang hian chawlh lak a, rilru leh taksa chaurau der tur ven hi a pawimawh a ni," tiin hna leh mahni duh/chak zawng tihna hun rualkhai taka siam a ṭul thu a sawi.