Mizo Idol 2015 Rebecca Zorintluangi a rawn kir e

Hun eng emaw chen rimawi khawvel lama a thawm a reh hnuin, Mizo Idol 2015 Rebecca Zorintluangi chu hla nalh leh belhchian dawl tak nen a rawn kir e.

A music video thar, "Ka hlan e' tih chu Zonet TV lamah pek chhuah a ni tawh a, he hla hi Rev. ZR Sanga phuah a ni a, tunlai Mizo Gospel hla chhuakah chuan thil thar, ṭhalaiin kan mamawh tak hla pawh a tih theih ang. Rebecca hian amah lo kaihruaitu, Bz-a bawk bel lehin, mawi leh belhchian dawl taka tichhuak turin ZR Sana te nen an thawkho a ni. A video hi Tea kutchhuak a ni a, audio hi Blue Waves-ah record a ni bawk.

Rebecca hian hmachhawp pawh a la nei mek a, Blue Wave Recod Label hnuaiah a hla-te streaming platform hrang hrangah ngaihthlak theih turin chhawpchhuah a ni dawn bawk. Blue Wave Records Label kaltlanga streaming aṭangin artist eng emaw zat chuan sum an lo la lut tawh a ni.